وعد

المحاضرات جدا واضحه وأفكارها مرتبة والتسلسل في الشرح جميل وسلس ويساعد على ثبات المعلومة .. وكثير عجبتنى أوراق العمل التي نشتغل عليها أثناء المحاضرة لأن تساعدني انتبه لنقاط ماكانت تلفت نظري أثناء الشرح وتساعدني أفكر في مبررات لها ..

بالنسبة لجلسات الكوتشنج بدون شك لها أكبر الفائدة لأن فهم المعلومة وحفظها مايكفي .. التطبيق العملي علمني نقاط القوة والضعف عندي ككوتش وأتاح لي فرصة إني أطبق المهارات و المعايير التى تعلمتها وأستحضرها وقت جلسة الكوتشنج

بالنسبة للفيد باك (التغذية الراجعة) أيضا جدا مفيد، لأن احنا فعلا نتلخبط ومانركز على أساسيات الكوتشنج والفيد باك يساعدنا نعرف الخطوات الأساسية والخطوات الثانوية أثناء جلسة الكوتشنج، لذلك كل يوم الموضوع يصير أسهل عن قبل والصورة تتضح لنا اكثر.

نرجس

ماشاء الله، عليك اسلوبك كان أكثر من رائع ومشوق وسهل وسلس
بالصراحه الساعات أبداً ماكنت احس فيها

وعرفت المفهوم الحقيقي للكوتش معاك وحبيته وتحمست للمستقبل اني أمارسه
وكثير استفدنا من تجارب بعض مع الفيد باك التى علمتينا اياها

كل الشكر والتقدير وأشكر صدفة برنامج المدرب الصحي التى خلتنا نتعرف على شخصيات جميلة ومحترمه مثلك 😍

والله يوفقك يارب وإن شاء الله نسمع عنك كل الأخبار الطيبة ونشوف اسمك ترند في كل مكان 🌹

هاجر

محاضراتك من أكثر المحاضرات تنظيم ووضوح .. كذلك شرحك كان جداً واضح وسلس ما فيه أي تعقيد.. والمواد التعليمية ممتازة جداً ..
جلسات الكوتشنج كانت جداً مفيدة واعطتنا تصور للحياة العملية والفيد باك ممتاز يدعم شرحك أثناء المحاضرات ويثبت المعلومات ..

شكراً جزيلاً لك أستاذة مريم وموفقة لكل خير ..
وإن شاء الله تعبك معانا ما يضيع،، وإن شاء الله نرى أثر هذا البرنامج على الناس بشكل ايجابي ..🌹🌹🌹

نور

المحاضرات جددداا رائعه وطريقه الطرح فيها إبدااااع 🌺💓
تعجبني الأفكار الجديده في التعليم التى تستخدمينها بحيث تغطّي جميع الحواس 😍😄😄

الجلسات التى عملناها جدددا مفيدة، علمتينا كيف نبني الأساس الذي نمشي عليه وتصححين لنا بطريقه جددا لطيفه فيها تركيزعلى الأشياء المهمة التى تقوّي من مهاراتنا وتطورها مستقبلاً

ودائما تعطيننا الفرصه اننا نحاول وتشجعيننا وما تحبطيننا 😂 🌺🌺
ودائما في كل جلسه نستفيد من خبراتك أشياء جديدة والنقاط المهمة الغير مكرره 😍
شكرااا مريم 💐
بجد نقدر جهدك ومشاركتك معلوماتك و مهاراتك معانا ❤️❤️

أسماء

حابة أشكرك على أخلاقك، إنسانة جداً خلوقة بما تعنيه الكلمة من معنى عن جد أنتي رائعة، الله يحفظك يارب وفعلاً استفدنا منك كثير وللأمانه كنتي أكثر وحده نستفيد منها. أسلوبك وطريقة شرحك حتى الساعات معك ممتعة رغم إن بعض الكلاسات تطول، إلا أنها معك تمر بسرعه. أيضاً تبسيطك للمعلومات وكيف أنك تسمعين لنا وتسمحين لنا بالمشاركة معك هذا يكفي 💕

المحاضرات جمييييلة وسلسة وبسيطة حتى لما نجي نذاكر نجد المعلومات سهلة وواضحة 💕

جلسات الكوتشنج معك ممتعة ومريحة يعني حتى لو غلطنا نلقى منك ابتسامة وبنفس الوقت ترجعين وتعلمينا أشكرك على هالذوق والأخلاق وأتمنى إني أستفيد منك أكثر وأكثر ويارب اقدر أوصل وأتمكن أكثر معك .. الله يوفقك يامريم ويحقق لك أمانيك 🌷💕

زينب

شكرا على وقتك معانا اليوم واهتمامك بكفائتنا في المناقشة وتصحيح نقاط الخلل التى عندنا
أقدر جدا وقتك وتفكيرك في تحسين الأداء عندنا وخروجنا بأفضل صورة ممكنة
الله يعطيك العافية ويزيدك من علمه وفضله 🌸🌷